Desh bhar ke karodon MNREGA workers ke liye bahut badi khushkhabari hai! Kendra Sarkar ne workers ki payments ke liye ₹68,000 Crore se zyada ka fund release kar diya hai. Ab sidhe bank account mein paisa aana shuru ho jayega.
Sarkar ke is kadam se un logon ko sabse badi rahat milegi jinki mazdoori pichle kuch waqt se atki hui thi. Reports ke mutabik, ye paisa Financial Year 2025-26 ke liye jaari kiya gaya hai taaki kaam aur payment mein koi rukawat na aaye.
Paisa Kahan Kharch Hoga?
Lok Sabha mein di gayi jaankari ke anusar, is huge amount ko do hisson mein baanta gaya hai:
- Wage Component: Lagbhag ₹57,853 Crore sirf workers ki mazdoori dene ke liye hai.
- Material & Admin: Baaki ₹10,540 Crore construction material aur administrative kharchon ke liye hai.
Direct Bank Transfer (DBT) Se Payment
Agriculture Minister Shivraj Singh Chouhan ne confirm kiya hai ki mazdoori ka paisa Direct Benefit Transfer (DBT) ke zariye sidhe workers ke bank accounts mein bheja ja raha hai. Isse beech ke agents ka role khatam ho gaya hai aur paisa bina kisi deri ke milega.
Workers Ke Liye Zaroori Baat
World AIDS Day 2025: Sarkar Ka Naya ‘Phase-V’ Plan Launch, 2030 Tak Bimari Khatam Karne Ka Target
Agar aap MNREGA worker hain aur aapka payment nahi aaya hai, toh apna bank account aur Job Card ka Aadhaar link status zaroor check karwa lein. Sarkar ne system ko transparent banane ke liye DBT ko sakhti se lagu kiya hai.
Kya aapke account mein MNREGA ka paisa time par aa raha hai? Neeche comment karke batayein.
